Sa aton pagmata sa aga amo ini ang imo mabatian sa guha sang imo
panimalay. Kung sa iban nga tawo amo ini ila tagapukaw, mga huni sang silhig
sang mga gapaninlo sa ila tagsa kaugsaran. Akon nadumduman , hambal sang mga
katigulangan, Ikaw indi Pilipino kung wala sini sa inyo tagsa ka ugsaran. Madamo
ini nga paamagi kung sa diin mo mausar, ginagamit sa paglimpyo ukon paghanot
sa mga puya nga ulugtasan.
Bata pa lang ako sang ako gintudluan sang akon iloy kung paano gamiton
ang silhig sa amon puluy-an. Suno sa akon iloy dapat mahibaluan sang isa ka
babaye ang mga ulubrahon sa imo panimalay, kung kaisa akon nahadlukan kung
ini nga butang uyat sang akon ginikanan. Dungol kung tawgon apang wala pa may
nahibaluan nga ang kapot nga silhig sang akon iloy ang magatudlo sa akon sang
mga butang nga subong ko lang natulupangdan. Importante guid katama nga aton
pagatudluan ang aton nga mga puya sang tama kag maayo nga pagsinulundan.
Ang pagtudlo sang pagpanglimpyo gapahibalo lamang nga kita ginpadako nga
nagabulig kag nagadako nga may katungdanan.
Sa isa ka silhig akon natandaan, ang mga hitabo sang akon kabataan. Kami
nagabuligay sang akon mga kauturan sa pagsilhig sang dahon sa amon nga
ugsaran.